ក្រប៉ណ្ណា

ថ្ងៃមួយសេដ្ឋីម្នាក់បាននាំកូនប្រុសតូចរបស់ខ្លួនទៅលេង ឯស្រុកស្រែគាត់ធ្វើនេះដើម្បីចង់អោយកូនស្គាល់ពី ជីវភាព រស់នៅរបស់អ្នកក្រ។បន្ទាប់ពីពួកគេទាំងពីសំរាកនូវស្រុកស្រែអស់មួយថ្ងៃ មួយយប់ ឪពុកបានសួរកូនប្រុសតូចរបស់ខ្លួនថាៈ

ឪពុកៈ យ៉ាងម៉េចហើយកូន ដំនើរកំសាន្តរបស់យើងលើកនេះ?

កូនៈ ល្អណាស់!

ឪពុកៈ អញ្ចឹងកូនដឹងហើយមែនទេថា ជីវភាពរស់នៅរបស់អ្នកក្រវាយ៉ាងម៉េច?

កូនៈ បាទ! ខ្ញុំសង្កេតឃើញថាផ្ទះរបស់យើងមានឆ្កែតែមួយ តែផ្ទះរបស់ពួកគេមាន ឆ្កែដល់ទៅបួនផ្ទះរបស់យើងមានស្រះទឹកតូចមួយតែផ្ទះរបស់ពួកគេមានបឹងទន្លេធំ ល្វឹងល្វើយ សួនច្បារផ្ទះយើងមានអំពូលពីរ បី តែពួកគេមានផ្កាយរះពេញមេឃនៅ មានទៀត ផ្ទះរបស់យើងមានទីធ្លាមុខផ្ទះតែបន្តិចប៉ុន្តែទីធ្លាមុខផ្ទះរបស់ពួកគេគឺវាល ស្រែមួយទាំងមូលណាប៉ា ។ 

លឺកូននិយាយដូច្នេះ ឪពុកក៏និយាយលែងចេញ ពេលនោះកូនប្រុសក៏បន្តទៀត “ អរគុណណាស់ប៉ាដែលបាននាំកូនអោយដឹងថាពួក យើងក្រប៉ុណ្ណា……………“